Xorvatiyanın paytaxtı Zaqrebdə keçirilən cüdo üzrə Avropa çempionatında Hidayət Heydərov 4-cü dəfə Avropa çempionu olub.

Prosport.Az xəbər verir ki, Heydərov (73 kq) final görüşündə Danil Lavrentyevi (Fərdi Neytral İdmançı) məğlub edərək çempion titulunu qazanıb.

Qeyd edək ki, Hidayət Heydərov bundan əvvəl 2017, 2022 və 2023-cü illərdə böyüklər arasında Avropa çempionatının qızıl medalını qazanıb. O bu nəticə ilə Azərbaycan cüdosu tarixinə düşüb.

17:43

Azərbaycan cüdoçusu Hidayət Heydərov Xorvatiyanın paytaxtı Zaqrebdə keçirilən Avropa çempionatında yarımfinal görüşünə çıxıb.

Prosport.Az xəbər verir ki, 73 kq çəki dərəcəsində çıxış edən idmançı finala gedən yolda milliyyətcə azərbaycanlı olan Moldova təmsilçisi Adil Osmanovla qarşılaşıb.

Rəqibinə qızıl xal bölümündə qalib gələn Hidayət Heydərov həlledici görüşə vəsiqə qazanıb. O, finalda Danil Lavrentyev (AIN) – Jan-Benjamen Qaba (Fransa) cütünün qalibi ilə üz-üzə gələcək.

Qeyd edək ki, yarışın ilk günündə Balabəy Ağayev (60 kq) gümüş medalın sahibi olub. Aprelin 27-dək davam edəcək Avropa çempionatında Azərbaycanı ümumilikdə 13 cüdoçu təmsil edir.

16:33

Azərbaycan cüdoçusu Hidayət Heydərov (73 kq) Xorvatiyanın paytaxtı Zaqrebdə keçirilən Avropa çempionatında yarımfinala yüksəlib.

Prosport.Az xəbər verir ki, üçqat Avropa çempionu uyğun ardıcıllıqla Albaniya, Portuqaliya və Rusiyadan olan rəqiblərinə qalib gəlib.

Hidayət Heydərov yarımfinalda həmyerlimiz Adil Osmanov (Moldova) ilə qarşılaşacaq. Digər təmsilçilərimiz – Rəşid Məmmədəliyev (73 kq) və Zelim Tçkayev (81 kq) isə uğursuz çıxış edib.

Qeyd edək ki, yarışın ilk günündə Balabəy Ağayev (60 kq) gümüş medala yiyələnib.