Xorvatiyanın paytaxtı Zaqrebdə keçirilən cüdo üzrə Avropa çempionatında millimiz 1 gümüş medal qazanıb.

Prosport.Az xəbər verir ki, kişilər arasında 60 kq çəkidə mübarizə aparan cüdoçumuz Balabəy Ağayev final görüşündə ötən ilin dünya çempionu, ikiqat Avropa qızıl medalçısı Fransisko Qariqos (İspaniya) ilə gücünü sınayıb. Uduzan idmançımız gümüş medalla kifayətlənib.

Eyni çəki dərəcəsində yarışan digər cüdoçumuz Turan Bayramov 5-ci yerə çıxıb.

Qadınlar arasında 52 kq çəkidə Aydan Vəliyeva da yarışı 5-ci yerdə tamamlayıb.

Qeyd edək ki, 60 kq çəkidə təltifetmə mərasimində medalları və mükafatları gənclər və idman nazirinin müavini Mariana Vasileva və Azərbaycan Cüdo Federasiyasının yeni icraçı vitse-prezidenti Rəşad Rəsullu təqdim edib.