Azərbaycan cüdoçuları İtaliyanın Linyano şəhərində keçirilən gənclər arasında Avropa Kubokunda 6 medal qazanıb.

Prosport.Az xəbər verir ki, yarışın ilk günündə Nizami İmranov (60 kq) qızıl və Məhəmməd Musayev (66 kq) bürünc medal əldə edib.

Dünən keçirilmiş son yarış günündə isə Əjdər Bağırov (100 kq) çempion olub, Süleyman Şükürov (81 kq) gümüş medalla kifayətlənib, Nihad Şıxəlizadə (100 kq) və Ramazan Əhmədov (+100 kq) bürünc medal qazanıb.

Beləliklə, dünya çempionumuz Elxan Məmmədovun baş məşqçisi olduğu Azərbaycan yığması 2 qızıl, 1 gümüş və 2 bürünc medalla meydan sahibi İtaliya, Gürcüstan və Almaniyadan sonra 4-cü olub. Azərbaycan yığma komandası oğlanlar arasında isə 2-ci yeri tutub.