Bakı Tennis Akademiyasında tennis üzrə Azərbaycan çempionatı keçirilib.

Prosport.Az xəbər verir ki, gərgin mübarizə şəraitində keçən 8-10 yaşlı qızların yarışında bütün rəqiblərinə qalib gələn İnci Orman fəxri kürsünün ən yüksək pilləsinə qalxıb. 

Azərbaycan çempionu İncinin bu uğuru təsadüfi deyil. Belə ki, o, idmançı ailəsində yetişib. 3 ildən artıqdır peşəkar səviyyədə tennislə məşğul olan İnci şahmat dünyasının tanınmış siması Türkan Məmmədyarovanın qızıdır.

Böyük perspektiv vəd edən İnci gələcəkdə nüfuzlu beynəlxalq yarışlarda ölkəmizi uğurla təmsil etməyi qarşısına məqsəd qoyub.