Azərbaycan paracüdoçularının Paralimpiya Oyunları üçün reytinq cədvəli açıqlanıb.

Prosport.Az xəbər verir ki, artıq 57 kq çəki dərəcəsində paralimpiya çempionu olmuş Sevda Vəliyeva reytinq cədvəlində yoxdur. Bu isə o deməkdir ki, son yarışlara sənəd problemi üzündən qatıla bilməyən 26 yaşlı Vəliyeva lisenziya şansını itirib.

Hazırkı reytinq cədvəlinə əsasən, 5 paracüdoçumuz (2 kişi və 3 qadın) Paralimpiya Oyunlarına lisenziya verən mövqedədir. Lakin İlham Zəkiyev istisna olmaqla, J 2 kateqoriyasında yarışan 4 idmançımızın növbəti yarışda tibbi göz təsnifatından keçməyindən çox şey asılı olacaq. Çünki bu 4 idmançı son 2 Qran-pri (Almaniya və Türkiyədəki turnirlər) yarışını məhz tibbi təsnifatdan keçə bilmədiyi üçün buraxmalı olub.

Kişilər
J1 (60 kq) 
21. İsmayıl Muradov – 167 xal (artıq lisenziya şansını itirib)

J1 (73 kq) 
31. Nurlan İbrahimov – 14 xal (artıq lisenziya şansını itirib)
52. Azər İsmayılzadə – 2 xal (artıq lisenziya şansını itirib)

J1 (90 kq)
15. Zakir Mislimov – 374 xal (nəzəri lisenziya şansı qalıb)

J1 (+90 kq)
3. İlham Zəkiyev – 1690 xal (artıq lisenziyanı rəsmiləşdirmək qalıb)

J2 (60 kq)
11. Vüqar Şirinli – 660 xal (lisenziya şansı qalıb)

J2 (73 kq)
5. Namiq Abaslı – 1018 xal (hazırkı durumda lisenziya qazanıb, növbəti yarışa buraxılmağından çox şey asılı olacaq)
21. Hüseyn Rəhimli – 80 xal (artıq lisenziya şansını itirib)

J2 (+90 kq)
16. Kənan Abdullaxanlı – 124 xal (artıq lisenziya şansını itirib)

Qadınlar
J1 (57 kq)
23. Vəfa Seydova – 4 xal (artıq lisenziya şansını itirib)

J1 (+70 kq)
8. Xatirə İsmiyeva – 760 xal (artıq lisenziya şansını itirib)

J2 (48 kq)
4. Şahanə Hacıyeva – 1300 xal (hazırkı durumda lisenziya qazanıb, növbəti yarışa buraxılmağından çox şey asılı olacaq)
19. Əsma İbrahimova – 760 xal (artıq lisenziya şansını itirib)

J2 (63 kq)
2. Xanım Hüseynova – 1650 xal (hazırkı durumda lisenziya qazanıb, növbəti yarışa buraxılmağından çox şey asılı olacaq)

J2 (+70 kq)
9. Dürsədəf Kərimova – 744 xal (hazırkı durumda lisenziya qazanıb, növbəti yarışa buraxılmağından çox şey asılı olacaq)

Qeyd edək ki, cüdoçularımızı Paris Yay Paralimpiya Oyunlarına kimi yalnız bir yarış gözləyir. Bu, 18-19 may tarixlərində qonşu Gürcüstanın paytaxtı Tbilisidə keçiriləcək Qran-pri yarışıdır. Həmin turnirdən sonra idmançılarımızın yekun reytinq cədvəli açıqlanacaq.

Səbuhi Musa