Azərbaycan cüdoçusu Ömər Rəcəbli (81 kq) Özbəkistanın paytaxtı Daşkənddə keçirilən “Böyük Dəbilqə” turnirində medal qazana bilməyib.
Prosport.Az xəbər verir ki, Bakıdakı "Böyük Dəbilqə"də gümüş medal qazanmış 20 yaşlı idmançı bürünc mükafat uğrunda mübarizədə məğlub olub.
O, Ukrayna təmsilçisi Mixail Svidraka uduzub. Nəticədə Rəcəbli fəxri kürsüyə qalxmaq şansını itirib və 5-ci yerlə kifayətlənib. Bununla da Azərbaycan bu yarışı medalsız başa vurub.
Qeyd edək ki, bu yarışda Azərbaycanın ağır çəkili cüdoçuları yarışmayıb.
14:19
Azərbaycan cüdoçusu Ömər Rəcəbli (81 kq) Özbəkistanın paytaxtı Daşkənddə keçirilən “Böyük Dəbilqə” turnirində bürünc medal uğrunda yarışacaq.
Prosport.Az xəbər verir ki, 20 yaşlı idmançı finala yüksələ bilməyib.
Ardıcıl 4 rəqibini üstələyən cüdoçu yarımfinalda Avstriya təmsilçisi Şamil Borçaşviliyə məğlub olub. O, bürünc medal uğrunda görüşdə Mixail Svidrakla (Ukrayna) qarşılaşacaq.
Bu gün tatamiyə çıxan Azərbaycan millisinin digər cüdoçuları İbrahim Əliyev, Nəriman Mirzəyev (hər ikisi 73 kq) və Aytac Qardaşxanlı (63 kq) uğursuz nəticə göstərərək medalsız qalıb.