Azərbaycan paracüdoçularının reytinq siyahısı açıqlanıb.

Prosport.Az-ın xəbərinə görə, 17-18 fevral tarixlərində Almaniyanın Haydelberq şəhərində keçirilmiş Qran-pridən sonra idmançıların reytinq cədvəlində müəyyən dəyişikliklər olub.

Paralimpiya çempionlarımız – Vüqar Şirinli gümüş, İlham Zəkiyev isə bürünc medal qazanmaqla Paralimpiya Oyunlarına lisenziya xalları qazanıb. Şirinli 300 xal qazanmaqla 1 pillə yüksəlib, Zəkiyev isə reytinqinə daha 240 xal əlavə edərək 3-cü sıradakı mövqeyini möhkəmlədib.

Ümumiyyətlə, reytinq cədvəlində ən yüksəl xal ikiqat paralimpiya çempionumuz İlham Zəkiyevə məxsusdur. Ən yüksək pillədə olan idmançılarımız isə digər paralimpiya çempionlarımız – Şahanə Hacıyeva ilə Xanım Hüseynovadır. Baxmayaraq ki, hər iki idmançımızın adı əvvəlcə son yarışa sifariş olunsa da, onlar iştirak edə bilməyib.

Kişilərdə J1 48 və 70 kq-da, qadınlarda isə J2 57 kq-dakı reytinq cədvəllərində Azərbaycan idmançıları yer almayıb.

Kişilər

J1 (60 kq)
17. İsmayıl Muradov 227 xal

J1 (73 kq)
32. Nurlan İbrahimov 14 xal
35. Amil Əliyev 10 xal
48. Anar İsmayılzadə 5 xal

J1 (90 kq)
16. Zakir Mislimov 254 xal

J1 (+90 kq)
3. İlham Zəkiyev 1690 xal

J2 (60 kq)
11. Vüqar Şirinli 600 xal

J2 (73 kq)
5. Namiq Abaslı 1168 xal
22. Hüseyn Rəhimli 80 xal

J2 (90 kq)
22. Saleh Sultanov 60 xal

J2 (+90 kq)
17. Kənan Abdullaxanlı 124 xal

Qadınlar

J1 (57 kq)
28. Vəfa Seyidova 4 xal

J1 (+70 kq)
7. Xatirə İsmiyeva 790 kq

J2 (48 kq)
2. Şahanə Hacıyeva 1300 xal
21. Əsma İbrahimova 12 xal

J2 (70 kq)
2. Xanım Hüseynova 1650 xal
14. Aysel İmamverdiyeva 75 xal

J2 (+70 kq)
9. Dürsədəf Kərimova 744 xal

Onu da bildirək ki, 18-19 may tarixlərində Gürcüstanın paytaxtı Tbilisidə keçiriləcək Qran-pri Paralimpiya Oyunlarına lisenziya verən son yarış olacaq. Bundan öncə isə 1-2 aprel tarixlərində Türkiyənin Antalya şəhərində Qran-pri yarışı baş tutacaq. 24 iyunda isə reytinqlə kimlərin Paralimpiadaya lisenziya qazandığı açıqlanacaq. 

Qeyd edək ki, Azərbaycan indiyədək bu il Parisdə keçiriləcək Paralimpiya Oyunlarına 9 lisenziya qazanıb. Bu lisenziyaların 4-ü atletikada (qadınlar 100 metr məsafəyə qaçış T13, kişilər uzunluğa tullanma T12, T13, nüvə itələmə F55), 1-i atıcılıqda (P4 – 50 metr məsafəyə tapançadan atəş açma SH1), 1-i üzgüçülükdə (kişilər 100 metr məsafəyə arxasıüstə üzmə S12) və 3-ü taekvondoda (Sabir Zeynalov (58 kq), İmaməddin Xəlilov (70 kq), Əbülfəz Abuzərli (80 kq)) əldə olunub.