Azərbaycan Macarıstanın Dyör şəhərində keçirilən 10 metr məsafəyə atıcılıq üzrə Avropa çempionatında daha bir medal qazanıb.

Prosport.Az xəbər verir ki, Hacı Musayev, Vladislav Kalmıkov və İmran Qarayevdən ibarət gənclər üzrə kollektiv komanda yarışlarında bürünc mükafata sahib çıxıb.

Qeyd edək ki, daha əvvəl Leyli Əliyeva və Vladislav Kalmıkovdan ibarət gənclər üzrə qarışıq komandamız 3-cü yeri tutmuşdu.