Cüdo üzrə Azərbaycan millisinin Özbəkistanın paytaxtı Daşkənddə keçiriləcək “Böyük Dəbilqə” turniri üçün heyəti açıqlanıb.

Prosport.Az Beynəlxalq Cüdo Federasiyasının rəsmi saytına istinadən xəbər verir ki, yığma yarışda 12 idmançı ilə təmsil olunacaq. Onlardan 7-si kişi, 5-i qadın cüdoçudur.

Kişilər arasında Nazir Talıbov, Rövşən Əliyev (hər ikisi 60 kq), İslam Rəhimov, Rəşad Yelkiyev (hər ikisi 66 kq), İbrahim Əliyev, Nəriman Mirzəyev (73 kq) və Ömər Rəcəbli (81 kq) medal qazanmağa çalışacaq.

Qadınların mübarizəsində isə Könül Əliyeva (48 kq), Aydan Vəliyeva (52 kq), Gültac Məmmədəliyeva (52 kq), Fidan Əlizadə (57 kq) və Aytac Qardaşxanlı (63 kq) tatamiyə çıxacaq.

Qeyd edək ki, martın 1-də start götürəcək “Böyük Dəbilqə”də 69 ölkənin cüdoçusu yarışacaq. Turnirə martın 3-də yekun vurulacaq.