Macarıstanın Dyör şəhərində keçiriləcək 10 metr məsafəyə güllə atıcılığı üzrə Avropa çempionatında Azərbaycanın 24 idmançısı iştirak edəcək.

Prosport.Az-ın xəbərinə görə, fevralın 26-da start götürəcək və martın 2-də başa çatacaq yarış Olimpiadaya lisenziya verən ilin ilk turniridir.

Böyük heyətlə təmsil olunacaq ölkəmizdən 13 nəfər böyüklər, 11 nəfər isə gənclər kateqoriyası üzrə mübarizə aparacaq. 24 idmançıdan 13-ü kişilər, 11-i isə qadınlardır.

Bu yarışda komandamızın əsas liderləri – 25 metr məsafəyə atəşdə ikiqat Avropa çempionumuz Ruslan Lunyov və 25 metr məsafəyə atəşdə dünya çempionu Nigar Nəsirova da mübarizə aparacaq. İdmançılarımız həm fərdi, həm də komanda yarışlarında qüvvəsini sınayacaq.

26-28 fevralda gənclər, 28 fevral - 2 mart tarixlərində böyüklər yarışacaq. Böyüklər kateqoriyasında Olimpiadaya lisenziya qazanmaq üçün qızıl və ya gümüş medal qazanmaq lazım gələcək.    

Böyüklər: Nəzrin Abbaslı, Xanna Əliyeva, Nuranə Əliyeva, Elvin Astanov, Jalə Bayramova, Ruslan Qəhrəmanov, Ramiz Xəlilov, Ruslan Lunyov, Aynur Mahmudova, Rəsul Məmmədov, Nigar Nəsirova, Üzeyir Tapdıqlı, İlkin Vəliyev

Gənclər: Xalidə Əliyeva, Leyli Əliyeva, Sofiya Barxalova, İmran Qarayev, Onur Hüseynli, Vladislav Kalmıkov, Oleq Kerjankin, Hacı Musayev, Nigar Ramazanova, Zahid Sofiyev, Zeynəb Sultanova

Qeyd edək ki, Ruslan Lunyov 10 metr məsafəyə pnevmatik tapançadan atəşaçmada Olimpiadaya lisenziya qazanıb. O buna ötən il Estoniyanın paytaxtı Tallində Avropa 2-cisi olmaqla buna nail olub.