Dadaş Dadaşbəyli Bolqarıstanın paytaxtı Sofiyada keçirilən, Olimpiadaya lisenziya xalları qazandıran ağırlıqqaldırma üzrə Avropa çempionatının qalibi olub.

Prosport.Az xəbər verir ki, bu gün son olaraq körpücük üzərinə qalxan Dadaşbəyli 109 kq çəki dərəcəsində qüvvəsini sınayıb. 

Dadaş birdən qaldırma hərəkətində 176 kq-ın öhdəsindən gəlib və bu hərəkətdə Avropa çempionatının qalibi olub. Atletimiz təkanla qaldırma hərəkətində də eyni uğuru təkrarlayıb. O, 212 kq-ı başı üzərinə qaldıraraq bu hərəkətdə də qızıl medal qazanıb.

O, toplam 388 kq (176+212) nəticə ilə yekun sıralamada da Avropada hər kəsi qabaqlayaraq fəxri kürsünün ən yüksək pilləsinə qalxıb.

Qeyd edək ki, kişilər arasında bu uğura sonuncu dəfə 2012-ci ildə Türkiyənin Antalya şəhərində keçirilmiş Avropa çempionatında Əfqan Bayramov imza atmışdı.