"Artıq 4-cü dəfə çempion oluram. Olimpiya ilində çempion olmaq yaxşıdır. Arxayınlaşmaq olmaz".

Bunu Prosport.Az-a açıqlamasında Bakıda keçirilən "Böyük Dəbilqə" yarışının qalibi olan Hidayət Heydərov deyib.

Üçqat Avropa çempionumuz finalda tacikistanlı Əbubəkr Şerovla görüşdə qalib gəlsə də, sevinməyib. İdmançı bunun səbəbini izah edib: "Elə bildim ki, orada ippon yoxdur. Ona görə sevinmədim. Sonradan hakim qələbəni mənə verəndə o anidən gələn sevinci yaşamırsan. Görüşdən sonra həmin epizodun təkrarına da buna görə baxırdım".

26 yaşlı idmançı bu il 3 mötəbər turnirdə çempion olmağı qarşısına hədəf qoyduğunu bildirib: "Həm Avropa, həm dünya çempionatı, həm də Olimpiadanın qalibi olmaq istəyirəm. Avropa çempionatında güləşməklə risk edirəmmi? O yarışdan sonra Olimpiadaya vaxt var. Mənə güləşmək düşür".

Səbuhi Musa