Bakıda keçirilən “Böyük Dəbilqə” turnirinin 2-ci günündə Azərbaycan cüdoçuları 2 qızıl, 1 gümüş medal qazanıb.

Prosport.Az xəbər verir ki, Hidayət Heydərov və Zelim Tçkayev 1-ci, Ömər Rəcəbli isə 2-ci yeri tutub.

73 kq çəkidə bütün rəqiblərindən güclü olan Hidayət Heydərov finalda Əbubəkr Şerovu (Tacikistan) da üstələyərək, növbəti dəfə “Böyük Dəbilqə”nin qalibi olub.

81 kq çəkidə isə Azərbaycan finalı baş tutub. Həlledici görüşdə komanda yoldaşı Ömər Rəcəbliyə qalib gələn osetin əsilli Zelim Tçkayev fəxri kürsünün ən yüksək pilləsinə qalxıb. Ö.Rəcəbli isə gümüş mükafata yiyələnib.

Digər cüdoçumuz Rəşid Məmmədəliyev (73 kq) bürünc medal uğrunda dueldə Artur Marqelidona (Kanada) uduzub.

Qeyd edək ki, ilk gündə Azərbaycan cüdoçuları Balabəy Ağayev (60 kq) və Yaşar Nəcəfov (66 kq) bürünc medal qazanmışdı.

11:05

Bakıda keçirilən cüdo üzrə “Böyük Dəbilqə” turniri davam edir.

Prosport.Az xəbər verir ki, bu gün Azərbaycanın daha 9 cüdoçusu tatamiyə çıxacaq.

Onlar 4 çəki dərəcəsində fəxri kürsüyə qalxmağa çalışacaqlar. Yalnız Nurlan Osmanov 1/32 finaldan mübarizəyə qoşulacaq. Digər 8 idmançı 1/16 finaldan görüşlərə başlayacaq.

Aytac Qardaşxanlı (63 kq) – Zulhumar Daşkinova (Türkmənistan): 1/16 final

Günel Həsənli (70 kq) – Aleksandra Samarciç (Bosniya və Herseqovina): 1/16 final

Hidayət Heydərov (73 kq) – Karim Adarvez (Argentina): 1/16 final

Rəşid Məmmədəliyev (73 kq) – Tohar Butbul (İsrail): 1/16 final

Nurlan Osmanov (73 kq) – Xorxe Qarsiya (İspaniya): 1/32 final

İbrahim Əliyev (73 kq) – Sulayman Hamad (Səudiyyə Ərəbistanı): 1/16 final

Ömər Rəcəbli (81 kq) – Mohammed Alharbi (Səudiyyə Ərəbistanı): 1/16 final

Səid Mollayi (81 kq) – Mustafa Həbib (Bosniya və Herseqovina): 1/16 final

Zelim Tçkayev (81 kq) – Abdulelah Albali (Səudiyyə Ərəbistanı): 1/16 final

Qeyd edək ki, ilk gündə Azərbaycanın 15 cüdoçusundan yalnız 2-si – Balabəy Ağayev (60 kq) və Yaşar Nəcəfov (66 kq) bürünc medal qazanıb.