Atletlərimiz Nigar Nəsirova və Ruslan Lunyov ölkəmizi Misirin paytaxtı Qahirədə bu gün başlayacaq atıcılıq üzrə Dünya Kubokunda təmsil edəcək.

Prosport.Az xəbər verir ki, Ruslan Lunyov kişilər arasında 10 metr məsafədən pnevmatik tapança ilə atəş açma, 25 metr məsafədən tapança ilə sürətli atəş açma, Nigar Nəsirova isə qadınlar arasında 10 metr məsafədən pnevmatik tapança ilə atəş açma, 25 metr məsafədən standard tapança ilə atəş açma yarışlarında iştirak edəcək. 

Onlar eyni zamanda 10 metr pnevmatik tapança qarışıq komanda yarışlarında mübarizə aparacaq.

Qeyd edək ki, Dünya Kubokuna fevralın 1-də yekun vurulacaq.