Azərbaycan Cüdo Federasiyası (ACF) daha bir neçə idman təşkilatına lisenziya verib.

Prosport.Az xəbər verir ki, ACF idman təşkilatlarının lisenziyalaşdırması prosesini fəal şəkildə davam etdirir. Dekabrın 21-də ACF 31 idman təşkilatına 5 il müddətinə lisenziya verib. Bu təşkilatlar qaydalara uyğun olaraq tələb olunan sənədləri təqdim edib və müəyyən edilmiş meyarlar əsasında seçilib.

ACF-in idman direktoru Kamran Talıbov və İcraiyyə Komitəsinin üzvü Ağayar Axundzadə lisenziyanın mahiyyətindən və əhəmiyyətindən, idman təşkilatlarının öhdəliklərindən danışıb, lisenziya əldə edən idman təşkilatlarını təbrik edib.

Qeyd edək ki, ACF ötən ilin avqust ayından etibarən ölkədə fəaliyyət göstərən cüdo üzrə idman klubları, cəmiyyətləri və təşkilatlarının lisenziyalaşdırılması prosesinə start verib. Hazırda lisenziyalaşdırılmış idman təşkilatının sayı 117-dir.