Azərbaycan taekvondoçusu Həşim Məhəmmədov Paris-2024 Yay Olimpiya Oyunlarına lisenziya qazanıb. 

Prosport.Az xəbər verir ki, 58 kq çəkidə mübarizə aparan yığma üzvü bu uğura Çinin Usi şəhərində olimpiya çəkiləri üzrə keçirilən “Böyük Dəbilqə”nin Çempionlar Seriyasında imza atıb. 

Yarışın təsnifat mərhələsinin qalibi olan Dağıstan əsilli Məhəmmədov bu dəfə də fəxri kürsünün ən yüksək pilləsinə qalxıb. 

Həşim 1/4 finalda Qran-prinin son iranlı qalibini məğlub edərək yarımfinala yüksəlib. O bu dəfə Bakıda dünya çempionatında uduzduğu çinliyə qalib gəlib. Taekvondoçumuz finalda Bakıda keçirilən dünya çempionatının qalibini də məğlub edərək həm qızıl medala yiyələnib, həm də Olimpiadaya lisenziyaya sahib olub. 

Bu, yığmamızın Paris-2024 Yay Olimpiya Oyunlarına ilk vəsiqəsidir.

Qeyd edək ki, bununla Azərbaycan təmsilçilərinin sözügedən turnir üçün qazandığı lisenziya sayı 9-a çatıb.