Cüdo üzrə qadınlar və kişilər arasında keçirilən Azərbaycan çempionatında ilk günün mükafatçıları müəyyənləşib.

Prosport.Az xəbər verir ki, Hövsan qəsəbəsində yerləşən Fövqəladə Hallar Nazirliyinin İdman-Sağlamlıq Mərkəzində təşkil olunan yarışın ilk günündə 4 çəki dərəcəsində 104 idmançı mübarizə aparıb. Açılış mərasimində Azərbaycan Cüdo Federasiyasının baş katibi Rəşad Rəsullu çıxışında Azərbaycan çempionatı ilə bağlı məlumat verib və 26 şəhər və rayondan 300-dən çox cüdoçunun yarışda iştirak etdiyini vurğulayıb. O, ölkə rəhbərliyinin ölkəmizdə cüdo idman növünün inkişafına xüsusi diqqət və qayğının olduğunu bildirərək, bunun əyani sübutu kimi cüdo üzrə milli komandaların təlim-məşq mərkəzinin istifadəyə verilməsini göstərib.

Qadınlar
48 kq
1. Şəfəq Həmidova
2. Ramilə Əliyeva
3. Xumar Qasımzadə, Leyla Dəmirova

63 kq
1. Leyla Əliyeva
2. Kamilla Töhöliyeva
3. Diana Şoranova, Leyla Atayeva

Kişilər
60 kq
1. Nazir Talıbov
2. Babarəhim Mirzəyev
3. Hüseyn Allahyarov, Kənan Hüseynov

81 kq
1. Məmmədrza Hacızadə
2. Kərim Allahverdiyev
3. Ömər Rəcəbli, Qədir Hüseynov

Qeyd edək ki, Azərbaycan çempionatında 14 çəki dərəcəsi üzrə qaliblər müəyyənləşdirilir. Bu gün və sabah digər çəki dərəcələri üzrə mübarizə gedəcək.