Kişi və qadın badmintonçulardan ibarət milli komandamız Avropa çempionatına vəsiqə qazana bilməyib.

Prosport.Az xəbər verir ki, kişi millimiz Avropa çempionatının final mərhələsinə yüksəlmək uğrunda keçirilən görüşdə təsnifat mərhələsinin görüşlərinə ev sahibliyi edən Çexiya millisi ilə qarşılaşıb. Komandamız təcrübəli rəqibinə 1:3 hesabı ilə uduzub.

Qeyd edək ki, Praqada keçirilən Avropa çempionatının təsnifat mərhələsində milli komandamız Norveç (4:1) və İrlandiya (3:2) millilərinə qalib gələrək qrupu lider başa vuraraq pley-offa vəsiqə qazanmışdı.

Qadın millimiz isə Abşeron Olimpiya İdman Kompleksində əhəmiyyətli olmayan görüşdə Slovakiyaya 3:1 qalib gəlib. Bu, qadın millimizin Avropa çempionatının təsnifat mərhələsində tarixində ilk qələbəsi olub. Bununla da komandamız qrupda 3-cü olub.

Qeyd edək ki, qadın millimiz daha əvvəl Şotlandiyaya 0:5 və Estoniyaya 1:4 hesabı ilə uduzub.

Onu da bildirək ki, hər iki millimizdə İndoneziyadan legionerlər yer alır.