Tunisin paytaxtı Tunis şəhərində keçirilən ağır atletika üzrə 33-cü Afrika çempionatı davam edir.

Proport.Az xəbər verir ki, yarışda Azərbaycan yığma komandasının sonuncu üzvü də çıxış edib.

Bu gün onlardan son olaraq Ömər Cavadov körpücük üzərinə çıxıb. O, 73 kq çəki dərəcəsində mübarizə aparıb və kiçik gümüş medal qazanıb.

Ömər birdən qaldırma hərəkətində 143, təkanla qaldırma hərəkətində 167 kq çəkini ram edib, toplam 310 kq (143+167) nəticə göstərib. Cavadov bu nəticə ilə birdən qaldırma hərəkətində 2-ci, təkanla qaldırma hərəkətində 5-ci, toplamda isə 4-cü olub.

Qeyd edək ki, daha əvvəl Nazilə İsmayılova (45 kq) qızıl və İsa Rüstəmov (67 kq) Afrika çempionu olaraq Paris Olimpiadası üçün lisenziya xalları qazanıb.