"Öncə əsas məqsədimiz Avropa çempionatının qrupundan növbəti mərhələyə vəsiqə qazanmaqdır. Vaxt azdır. İkinci məsələ aşağı yaş qruplarını inkişaf etdirməkdir. Üçüncü məsələ azərbaycanlı məşqçilərin inkişafı onlar üçün seminar keçirməkdir".

Prosport.Az-ın məlumatına görə, bunu qadın voleybolçulardan ibarət millimizin yeni baş məşqçisi Ataman Güneyligil deyib. qadın voleybolçulardan ibarət Azərbaycan millisinin baş məşqçisi deyib.

Bu gün Voleybol Mərkəzində qadın voleybolçulardan ibarət Azərbaycan milli komandasının yeni baş məşqçisi ictimaiyyətə təqdim olunub. Bildirilib ki, onunla 3 aylıq müqavilə bağlanılıb. Onun köməkçisi Gençer Yarkın fiziki hazırlıq üzrə məşqçi vəzifəsini icra edəcək.

O, təyinatından danışıb: "Ötən həftə rəhbərliklə danışığımız oldu. Müqaviləm 3 aylıqdır. "Qalatasaray"dan ayrılmışam. Azərbaycan millisindəki işimdən sonra yeni klubla anlaşacağam".

Qeyd edək ki, Ataman Güneyligil Azərbaycan yığmasına mayın 15-də təyin olunub. O əvvəllər "Qalatasaray"ı çalışdırıb.