"İlk turdakı matça baxanda daha yaxşı oynadıq. Amma bu oyunlar bizim üçün hələ hazırlıq görüşləri kimidir. Mövsümün əvvəlində reallaşdıra bilmədiyimiz dövrü belə keçiririk".

Prosport.Az xəbər verir ki, bunu "Gəncə" basketbol klubunun türkiyəli baş məşqçisi Bedri Meriç deyib.

O, Azərbaycan Basketbol Liqasının II turunda debütant "Xəzri"yə 76:93 uduzmalarından danışıb: "Müdafiədə böyük çatışmazlıqlar var, məşqlərdə bunun üzərində çalışacağıq. Uduzmaq məyusluq doğurur, heyətimiz gənclərdən ibarətdir. Daha yaxşı hazırlaşmaları, bir-birinə alışmaları üçün vaxta ehtiyac var".