Fitnes məşqçisi Kamil Zeynallı Azərbaycan Bodibildinq və Fitness Federasiyasının 30 illik yubileyinə həsr olunmuş ölkə çempionatının qalibi olub.

Prosport.Az xəbər verir ki, o ilk dəfə qatıldığı yarışda "Mens fizik" nominasiyası üzrə qızıl medal qazanıb. 

Kamil Zeynallı instaqram hesabında bildirib ki, bu yolda ona ən çox dəstək dostları "Monster" ləqəbli idmançı Nadim və Şükran Soltanovdan gəlib:

“Dostum Şükran Soltanova da "çox sağ ol" deyirəm ki, yarışa qatılmağımı israrla tələb etdi və axıra kimi yanımda oldu, var ol qardaşım”.