Millimizin karateçisi İrina Zaretskaya Mərakeşin paytaxtı Rabatda keçirilən Premyer Liqa turnirində qalib olub.

Prosport.Az xəbər verir ki, 68 kq çəki dərəcəsində çıxış edən idmançı bütün rəqiblərini məğlub edib.

O, finalda isveçrəli Elena Kuiriçini 4:0 hesabı ilə üstələyib.

Qeyd edək ki, İrina Zaretskaya bu il İspaniyanın Qvadalaxara şəhərində keçirilmiş dünya çempionatında məhz bu rəqibinə finalda uduzmuşdu.