"Sərhədçi" İdman Mərkəzində Azərbaycan Basketbol Liqasının (ABL) ilk turu çərçivəsində növbəti oyun baş tutub.

Prosport.Az xəbər verir ki, paytaxt klubu "Neftçi" çempionatın debütantı "Xəzri" ilə qarşılaşıb.

Oyuna üstün başlayan "Xəzri" yekunda 80:73 hesablı qələbəyə sevinib. Ən məhsuldar basketbolçular "Neftçi"dən Ceyms Havtorn (18 xal, 5 ribaund), "Xəzri"dən Amil Həmzəyev (21 xal, 8 ribaund) olublar.

Qeyd edək ki, turun "Xırdalan" - "Şəki", "NTD-İndiqo" - "Sumqayıt", "Gəncə" - "Sabah" matçları oktyabrın 28-29-da baş tutacaq.