Azərbaycan cüdoçuları Əbu-Dabi "Böyük Dəbilqə" turnirində iştirak edəcək.

Prosport.Az xəbər verir ki, Beynəlxalq Cüdo Federasiyasının təqviminə görə növbəti "Böyük Dəbilqə" turniri 24-26 oktyabrda Birləşmiş Ərəb Əmirliklərinin paytaxtı Əbu-Dabidə keçiriləcək.

3 gün davam edəcək turnirdə 82 ölkədən 472 cüdoçu medallar uğrunda mübarizə aparacaq. Azərbaycan cüdo üzrə milli yığma komandası yarışda 9 çəki dərəsində 10 kişi və 4 qadın idmançı ilə təmsil olunacaq.

Cüdoçular böyüklərdən ibarət yığmanın böyük məşqçiləri Mehman Əzizov və Slavko Tekiç, qadınlardan ibarət yığmanın baş məşqçisi Rəşad Məmmədov və böyük performans analitik Zaur Babayevin rəhbərliyi altında çıxış edəcək.

Qadınlar
48 kq
Leyla Əliyeva

52 kq
Gültac Məmmədəliyeva
Aydan Vəliyeva

57 kq
Fidan Əlizadə

Kişilər
60 kq
Rövşən Əliyev
Əhməd Yusifov

66 kq
Kəramət Hüseynov
Ruslan Paşayev

73 kq
İbrahim Əliyev
Rəşid Məmmədəliyev

90 kq
Elcan Hacıyev
Vüqar Talıbov

+100 kq
Camal Həmzətxanov
Uşanqi Kokauri