Qadın voleybolçulardan ibarət "Azərreyl" klubu Çelenc Kubokunda növbəti oyununu keçirib.

Prosport.Az xəbər verir ki, komanda 1/32 finalın cavab matçında Ukraynanın "Balta" kollektivi ilə üz-üzə gəlib.

Bakıdakı Voleybol Mərkəzində baş tutan görüş "Azərreyl"in 3:0 (25:23, 25:15, 25:19) hesablı qələbəsi ilə bitib.

İlk qarşılaşmada rəqibini eyni hesabla üstələyən Azərbaycan təmsilçisi 1/16 finala vəsiqə qazanıb. Bu raundda rəqib İspaniyanın "Avarka de Menorka" klubu olacaq.