Fövqəladə Hallar Nazirliyinin (FHN) bir qrup əməkdaşı Heydər Əliyevin 100 illik yubileyi münasibətilə Heydər Zirvəsinə yürüş edib.

Prosport.Az xəbər verir ki, yürüş iştirakçıları Xınalıq kəndindən hərəkətə başlayaraq, Böyük Qafqaz sıra dağlarının Başdağ silsiləsinin Qızıl Qaya massivində, dəniz səviyyəsindən 3751 metr hündürlükdə yerləşən sərt və mürəkkəb relyefə malik Heydər Zirvəsinə qalxaraq, sabiq ölkə başçısının unudulmaz xatirəsini dərin ehtiramla yad ediblər.

Heydər Əliyevin 100-cü ildönümünü əks etdirən xatirə lövhəsi zirvəyə yerləşdirilib. Orada Dövlət Bayrağı ilə yanaşı, FHN-in rəmzi olan bayraq zirvədə dalğalandırılıb.

Qeyd edək ki, zirvəyə qalxanlar arasında pauerliftinq üzrə dünya və Avropa çempionu, FHN-in Xüsusi Riskli Xilasetmə Xidmətinin baş leytenantı Rövşən Xəlilov da olub.