Əfsanəvi ingiltərəli futbolçu Devid Bekhem “Formula 1” üzrə dünya çempionatında çıxış edən pilotlarla görüşüb.

Prosport.Az xəbər verir ki, ABŞ-ın “İnter Mayami” klubunun sahibi Qətər Qran-prisindən sonra üç sürücü ilə bir araya gəlib.

O, “Red Bull”un pilotu Maks Ferstappen, həmçinin “Mercedes” komandasının üzvləri Corc Rassell və Lyuis Hemiltonla birlikdə çəkilən şəkilləri sosial şəbəkədə paylaşıb. Bekhem üçüncü dəfə dünya çempionu olan Ferstappeni təbrik edib.

Qeyd edək ki, hesabında 433 xal olan Ferstappen çempionluğu rəsmiləşdirib. Pilotların yarışında Hemilton 3-cü, Rassell isə 8-ci pillədə qərarlaşıb.