Azərbaycan Basketbol Liqasında 2023/24-cü illər mövsümündə iştirak edəcək, ötən mövsümün bürünc medalçısı NTD Bakı basketbol klubunda ad və məkan dəyişikliyi baş tutub.

Prosport.Az xəbər verir ki, bu gündən etibarən yeni adı ilə Xaçmaz rayonunu təmsil edəcək olan NTD-INDIGO Xaçmaz basketbol klubu, ev oyunlarını Xaçmaz Olimpiya İdman Kompleksində keçirəcək.

Son tamamlanma işlərinin ardından, Xaçmaz Olimpiya İdman Kompleksinin basketbol zalı oyunları qəbul  etməyə tam hazır vəziyyətdədir. Məlumat üçün bildirək ki, NTD-INDIGO Xaçmaz klubu ev oyunlarını Bakıdan kənarda keçirəcək 5-ci basketbol komandası olacaq.

Qeyd edək ki, digərləri "Gəncə", "Cəlilabad", "Şəki" və "Sumqayıt"dır.