Milli Paralimpiya Komitəsində gözlənilməz ayrılıq baş verib.

Prosport.Az-ın əldə etdiyi xəbərə görə, Azər Tapdıqov qurumun mətbuat katibi postundan ayrılıb.

Onun komitədə son iş günü bu gün Bakıda başa çatan paracüdo üzrə Qran Pri yarışından sonra yekunlaşacaq.

Qeyd edək ki, 29 yaşlı Azər Tapdıqov 2015-ci ildən komitədə könüllü əsasla İctimaiyyətlə əlaqələr və marketinq, beynəlxalq əlaqələr və idman şöbələrində aparıcı mütəxəssis vəzifəsində çalışıb. O, 2020-ci ilin əvvəllərindən Milli Paralimpiya Komitəsinin mətbuat katibi vəzifəsini daşıyırdı.

Xatırladaq ki, İlqar Rəhimov Beynəlxalq Görmə Məhdudiyyətli İdmançılar Assosiasiyasına prezident seçilməzdən əvvəl Milli Paralimpiya Komitəsinin rəhbəri postundan istefa verib. Onu komitədə Əmək və əhalinin sosial müdafiəsi nazirinin müavini Hidayət Abdullayev əvəzləyib.