Bu gün Bakıda Fransanın paytaxtı Parisdə keçiriləcək Yay Paralimpiya Oyunlarına lisenziya xalları verən para cüdo üzrə Qran Pri yarışına start verilib.

Prosport.Az-ın xəbərinə görə, bu yarışda Azərbaycan millisinin bəzi aparıcı üzvləri iştirak edə bilmir.

Belə ki, paralimpiya çempionlarımız İlham Zəkiyevlə (J1, +90 kq) və Dürsədəf Kərimova (J2, +70 kq) zədəli olduqlarından, yarışa bilməyəcəklər.

Paralimpiya çempionlarımızdan Vüqar Şirinli (J2, 60 kq), Hüseyn Rəhimli (J2, 81 kq) və Sevda Vəliyeva (J2, 57 kq), eləcə də 2016-cı ilin paralimpiya mükafatçımız Bayram Mustafayev (J2, 66 kq) görmə üçün tibbi təsnifatdan keçə bilmədikləri üçün yarışa buraxılmayıb.

Beləliklə, Azərbaycanı bu yarışda aşağıdakı idmançılar təmsil edir:

Kişilər: İsmayıl Muradov (J1 60 kq), Namiq Abbaslı (J2, 66 kq), Amil Əliyev, Nurlan İbrahimov (hər ikisi J1, 73 kq), Kamran Abdullaxanlı (J2, +90 kq)
Qadınlar: Şəhanə Hacıyeva (J2, 48 kq), Xanım Hüseynova (J2, 70 kq), Xatirə İsmiyeva (J1, +70 kq)

Qeyd edək ki, artıq Şəhanə Hacıyeva bürünc medal qazanıb. Yarışa sabah yekun vurulacaq.