Qadın həndbolçulardan ibarət Mingəçevirin "Kür" komandası ilk dəfə çıxış etdiyi Avropa Kubokunda mübarizəni dayandırıb.

Prosport.Az xəbər verir ki, Azərbaycan təmsilçisi 1/32 final mərhələsinin cavab matçında İtaliyanın "Yomi Salerno" klubu ilə üz-üzə gəlib.

Mingəçevirdəki "Kür" Olimpiya Tədris-İdman Mərkəzindəki qarşılaşma yenə rəqibin qələbəsi ilə bitib – 36:19. Bununla da "Kür"ün qadın komandası mübarizədən erkən ayrılıb.

Qeyd edək ki, dünən eyni arenada gerçəkləşən ilk görüşdə İtaliya təmsilçisi 29:19 hesabı ilə qalib gəlmişdi.

Xatırladaq ki, yeni yaradılmış "Kür"ün kişi komandası Xorvatiyanın “Sesvete” kollektivi ilə mübarizə aparacaq. İlk oyunlar oktyabrın 14-15-də, cavab matçları oktyabrın 21-22-də keçiriləcək.