Bakıda keçirilən Heydər Əliyev adına cüdo üzrə "Böyük Dəbilqə" turnirinin sonuncu günündə Azərbaycan idmançıları 1 bürünc medal qazanıb.

Prosport.Az xəbər verir ki, 100 kq çəkidə dərəcəsində mübarizə aparan osetin əsilli idmançımız Zelim Kotsoyev fəxri kürsüyə qalxmağa müvəffəq olub. O, Ruslan Nəsirlini turnirdə medalsız qoymuş xorvatiyalı Zlatko Kumriçdən üstün olub.

90 kq çəki dərəcəsində çıxış edən Murad Fətiyev Türkiyə təmsilçisi Mixael Zqanka, 100 kq-dan yuxarı çəkidəki İmran Yusifov qazaxıstanlı Yerassul Kajubayevə bürünc medal görüşündə uduzub.

Qeyd edək ki, daha əvvəl Yaşar Nəcəfov (66 kq), Hidayət Heydərov (73 kq), Zelim Tçkayev (81 kq) qızıl, Leyla Əliyeva (48 kq) isə gümüş medal əldə edib. Beləliklə, Azərbaycan bu yarışı 3 qızıl, 1 gümüş və 1 bürünc medalla başa vurub və ən yaxşı nəticəni göstərib. Qonşu Gürcüstan 1 qızıl, 2 gümüş medalla 2-ci, cüdonun vətəni Yaponiya isə 1 qızıl, 1 gümüş və 2 bürünc mükafatla 3-cü olub. 

09:29

Azərbaycanın daha 10 cüdoçusu Bakıda keçirilən Böyük Dəbilqədə mübarizəyə başlayacaq.

Prosport.Az xəbər verir ki, yarışın sonuncu günündə 90 kq çəki dərəcəsində Murad Fətiyev, Elcan Hacıyev, Əjdər Bağırov, Musa Hüseynli, 100 kq-da Ruslan Nəsirli, Zelim Kotsoyev, 100 kq-dan yuxarı çəkidə isə İmran Yusifov, Rəşid Məmmədəliyev, Uşangi Kokauri və Ramazan Əhmədov tatamiyə çıxacaq.

90 kq

Murad Fətiyev – Srcan Mrvalyeviç (Monteneqro)
Elcan Hacıyev – Aleksandr Sidoruk (IJF)
Əjdər Bağırov – Yermaxan Anuarbekov (Qazaxıstan)
Musa Hüseynli – Yeqor Varapayev (IJF)/Aleks Krets (Rumıniya) cütünün qalibi

100 kq

Ruslan Nəsirli – Zlatko Kumriç (Xorvatiya)
Zelim Kotsoyev – Matias Madsen (Danimarka)

+100 kq

İmran Yusifov – Həmzət Səfərbayev (Fransa)
Rəşid Məmmədəliyev – Juscelinu Naşimentu (Braziliya)
Uşangi Kokauri – Karl Stefanson (İslandiya)/Joau Kesarinu (Braziliya)
Ramazan Əhmədov – Tamerlan Başayev (İJF)

Qeyd edək ki, daha əvvəl Yaşar Nəcəfov (66 kq), Hidayət Heydərov (73 kq), Zelim Tçkayev (81 kq) qızıl, Leyla Əliyeva (48 kq) isə gümüş medal əldə edib.