Azərbaycan yığması Afrika çempionatında iştirak edəcək.

Prosport.Az xəbər verir ki, 11-18 may tarixlərində Tunisin paytaxtı Tunisdə ağır atletika üzrə 33-cü Afrika çempionatı keçiriləcək. Bu yarışda Azərbaycan yığma komandasının üzvləri də iştirak edəcəklər. Heyət aşağıdakı kimidir:

Qadın: Nazilə İsmayılova (45 kq)
Kişilər: İsa Rüstəmov (67 kq), Ömər Cavadov (73 kq).

Azərbaycan yığmasının başqa qitənin çempionatında çıxışına səbəb bu ilin aprelində Ermənistanın paytaxtı İrəvanda keçirilmiş Avropa çempionatında məlum səbəblərdən iştirak edə bilməməsidir. Tunisdə təşkil olunacaq yarış da Paris-2024 Yay Olimpiya Oyunlarına lisenziya xarakteri daşıyır və Beynəlxalq Ağır Atletika Federasiyası tərəfindən Azərbaycan komandasına alternativ imkan kimi bu turnirdə qüvvəsini sınamaq təklif olunub. Azərbaycan Ağır Atletika Federasiyası bu təklifi qəbul edib. İrəvanda yarışa bilməyən idmançılarımız Tunisdə körpücük üzərinə çıxacaq və əldə etdikləri nəticələrə uyğun olaraq qazandıqları lisenziya xalları ümumi Olimpiya təsnifat sistemində qeydə alınacaq.

Göründüyü kimi, İrəvanda olmuş idmançılarımızdan Əli Şükürlü (102 kq) bu yarışa aparılmayıb. Federasiyadan Prosport.Az-a onun məşqdə zədələndiyi açıqlanıb. Bizim əldə etdiyimiz məlumata görə isə, onun belində yırtıq var və bu zədə onda hələ İrəvan səfərindən öncə mövcud imiş. İdmançı özü ora yollanmaq istəməsə də, məşqçilər heyəti onu Ermənistana aparmaq qərarı vermişdi.