Bakıda atıcılıq üzrə Dünya Kuboku start götürüb.
Prosport.Az xəbər verir ki, Bakı Atıcılıq Mərkəzində yarışın açılışı keçirilib.
Açılış mərasimində yarışların Heydǝr Əliyevin 100 illiyinə təsadüf etdiyi vurğulanıb. Bildirilib ki, Azǝrbaycan gǝnclǝrinin sağlam hǝyat tǝrzi üçün idmanın inkişafına ǝhǝmiyyǝt verǝn vǝ idmançıları daim dǝstǝklǝyǝn Heydǝr Əliyevin müstǝqil Azǝrbaycanın beynǝlxalq idman arenasında tanınmasında əvəzsiz xidmətləri olub.
Azərbaycan Atıcılıq Federasiyasının vitse-prezidenti Zemfira Meftahəddinova bu yarışlara ölkəmizin də böyük heyətlə qatıldığını bildirərək, bütün idmançılara uğurlar arzulayıb. Stend atıcılığı üzrə Olimpiya çempionumuz güllə atıcılığı üzrə Paris Yay Olimpiya Oyunlarında tətbiq olunacaq yeni qaydaların bugündən etibarən qüvvəyə mindiyini elan edib.
Gənclər və idman naziri Fərid Qayıbov çıxış edərək, ölkəmizdə 3-cü dəfə keçirilən Dünya Kuboku yarışlarının Azərbaycanda atıcılıq idman növünün inkişafında böyük rolu olduğunu, bu idman növündə ilk Olimpiya qızıl medalının məhz Heydər Əliyevin prezidentliyi vaxtında qazanıldığını bildirib.
Beynəlxalq Atıcılıq İdman Federasiyasının (ISSF) İdarə Heyətinin üzvü Hazem Hosni tamaşaçıları salamlayaraq ISSF prezidenti Lusyano Rossinin adından Dünya Kuboku yarışını açıq elan edib.
Tədbir konsert və əyləncə proqramı ilə davam edib.
Qeyd edək ki, Dünya Kubokunda 66 ölkədən 623 idmançı qatılıb. İdmançılar 6 gün ərzində güllə atıcılığının 10 növündə qələbə uğrunda mübarizə aparacaqlar. Yarışların ilk final mərhələsi sabahdan başlayacaq.
