“Sabah” basketbol klubu Serbiyada təşkil edilən təlim-məşq toplanışında son yoxlama görüşünü keçirib.

Prosport.Az xəbər verir ki, 5-ci sınağına çıxan Azərbaycan çempionu ardıcıl 3-cü qələbəsini qazanıb.

“Sabah”ın sınaqçı rəqibinin “Zlatibor” olması planlaşdırılsa da, son anda proqramda dəyişiklik edilib. Komandamız yerli “Klik”i 91:62 hesabı ilə məğlub edib.

Qeyd edək ki, “Sabah” ilk 2 yoxlama oyununda Serbiya klubları “Vrşats” (57:62) və “Radniçki”yə (81:82) məğlub olub, ardından “OKK Beoqrad” (97:84) və “Srvena Zvezda-2”yə (81:78) qalib gəlib.