Cüdo üzrə olimpiya çempionumuz Elnur Məmmədli Avropa Cüdo Birliyində idman komissarı vəzifəsinə başlayıb.

Prosport.Az xəbər verir ki, Bosniya və Herseqovinanın paytaxtı Sarayevoda dünən başlayan və bu gün başa çatacaq Açıq Avropa turnirində Azərbaycan Cüdo Federasiyasının vitse-prezidenti Elnur Məmmədli idman komissarı vəzifəsini icra edir.

Elnur Məmmədli tutduğu vəzifə ilə bağlı fikirlərini bölüşərək deyib: "Sarayevo Açıq Avropa Turnirində 3 gün boyu (sentyabrın 15-dəki püşkatma da nəzərdə tutulur – red.) İdman Komissarı olacağam. Bu vəzifə böyük məsuliyyət daşıyır və Azərbaycanda cüdonun inkişafına dair bir göstəricidir. Azərbaycan cüdo idman növündə təkcə idmançılarımızın nailiyyətləri ilə fərqlənmir, həmçinin hakimlərimizlə və beynəlxalq yarışların təşkili ilə də özünü sübut edir. Təcrübəmə əsaslanaraq deyə bilərəm ki, Sarayevo Açıq Avropa turnirinin uğurla keçirilməsi üçün əlimdən gələni edəcəyəm".

Qeyd edək ki, Açıq Avropa turnirində Nəriman Mirzəyev (73 kq) qızıl medal qazanıb, İslam Mehrəliyev isə (66 kq) gümüş medalla kifayətlənib.