Azərbaycanı bu mövsüm avrokuboklarda təmsil edəcək "Xarı Bülbül Şuşa" komandasının vitse-prezidenti müəyyənləşib.

Prosport.Az-ın xəbərinə görə, klub prezidenti Hacı Nuranın yaxın dostu, Türkiyədə yaşayan Zamin Möhsünov bu vəzifəyə təyin olunub.

Zamin Möhsünov türkiyəli məşhur sənət adamlarının ölkəmizə gətirilməsində pay sahiblərindən biridir.

Xatırladaq ki, avrokuboklarda (Çelenc Kuboku) debüt edəcək kişilərdən ibarət "Xarı Bülbül Şuşa"nın rəqibi Slovakiyanın bürünc medalçısı “Spartak" (Miyava) klubu olacaq. 1/32 finalda qarşılaşacaq komandaların ilk oyunu 24-26 oktyabr, cavab görüşü isə 31 oktyabr-2 noyabr tarixlərində keçiriləcək.

Qeyd edək ki, klubun təsisçisi komandanın kapitanı da olan İlqar İmamquliyev, baş məşqçisi Ziya Rəcəbovdur.