"Qalib olmaq istəyirəm. Bunun üçün Portuqaliyaya səfər edirəm".

Bu sözləri Prosport.Az-a açıqlamasında Portuqaliyanın Portiman şəhərində veteran cüdoçular arasında Avropa çempionatında iştirak edəcək Fərhad Rəcəbli deyib.

O, yarışa yaxşı səviyyədə hazırlaşdıqlarını qeyd edib: "Artıq səfərə yola düşürük. Bu dəfə həyətdə idmançı sayı azdır. Cəmi 14 cüdoçu ilə Portuqaliyaya yollanırıq. Bunun da müəyyən səbəbləri var. Məsələn, yarışların dalbadal olması, zədələr və xərc amili... Azər Əsgərov və Qabil Qasımov (hər ikisi -100 kq) zədəyə görə bizimlə deyillər. Bildiyiniz kimi, Avropa çempionatı mayın sonu Fransada olmalıdı idi. Lakin sonradan məkanı dəyişdi".

Veteran cüdoçu yarışın  vaxtının dəyişməsinin komandanın çıxışına təsir etməyəcəyini qeyd edib.

Rəcəbli özündən savayı, Babək Hacıyev və İlqar Əliheydərovdan da qızıl medal gözlədiyini vurğulayıb.

Avropa çempionatı 22–25 oktyabr tarixlərində təşkil olunacaq

Qeyd edək ki, Fərhad Rəcəbli veteranlar arasında 10 qat Avropa çempionudur.