Milli Paralimpiya Komitəsinin güllə atıcılığı idman növü üzrə milli komandasının üzvü Kamran Zeynalov Almaniyanın Hannover şəhərində keçirilən beynəlxalq turnirdə odlu silahdan (tapança) 50 metrə atmanın fərdi yarışında gümüş medala sahib çıxıb.

Prosport.Az xəbər verir ki, qarışıq komanda yarışında isə Kamran Zeynalov, Yelena Taranova və Aybəniz Babayevadan ibarət millimiz isə 50 metrə atmada bürünc medal qazanıb.

Qeyd edək ki, turnir 17-29 sentyabr tarixlərində Perunun paytaxtı Limada keçiriləcək dünya çempionatında iştirak üçün lisenziya qazandırır.

Xatırladaq ki, dünən Kamran Zeynalov və Yelena Taranova miks komanda növündə (kişi və qadın) pnevmatik tapançadan 10 metrə atmada (P6) gümüş medala sahib çıxmışdı.