Azərbaycan Xüsusi Olimpiya Komitəsinin atletləri Bosniya və Herseqovinanın paytaxtı Sarayevoda keçirilən Xüsusi Olimpiya Açıq Cüdo Turnirində uğurlu çıxış ediblər.

Prosport.Az xəbər verir ki, Azərbaycan komandası yarışda 1 qızıl, 2 gümüş və 2 bürünc medal əldə edib.

Kamran Quliyev G-10 divizionunda bütün rəqiblərini qabaqlayaraq qızıl medala sahib çıxıb. Sadiq Nəzirov G-2 divizionunda 2-ci, Yusif Nəsirli isə G-7 divizionunda 3-cü olub.

Adilə Niftəliyeva da 2 medal qazanıb. O, G-24 divizionunda bürünc, kata yarışında isə gümüş medal əldə edib.

Beləliklə, Azərbaycan komandası turniri ümumilikdə 5 medalla başa vurub.