Azərbaycan Üzgüçülük Federasiyasının yeni baş katibi təyin olunub.

Prosport.Az-a verilən məlumata görə, Üzgüçülük Federasiyasının rəhbərliyində dəyişiklik olub.

Federasiyanın baş katibi Fərid Bənənyarlı başqa işə keçməsi ilə əlaqədar öz xahişi ilə vəzifəsindən istefa verib. Bu posta Həsənov Fəxri Şaiq oğlu təyin olunub.

Fəxri Həsənov 1977-ci ildə Bakı şəhərində anadan olub. 2000-ci ildə Azərbaycan Texniki Universitetinin Mühəndis iqtisadiyyatı fakültəsini, sonra isə Azərbaycan Dövlət İqtisad Universitetinin Maliyyə və kredit fakültəsini bitirən Həsənov bu vəzifəyə qədər "Avto Lizinq Azərbaycan" MMC-də çalışıb.