“Sabah” basketbol klubunun FIBA Avropa Kubokunda 2023/2024 mövsümünün təsnifat mərhələsində keçirəcəyi oyunların başlama vaxtı açıqlanıb.

Prosport.Az xəbər verir ki, A qrupunda qərarlaşan Azərbaycan çempionu matçlarını axşam saatlarında keçirəcək.

Avropa Kubokunun debütantının “Donar” (Qroningen, Niderland) və “Rapid”lə (Buxarest, Rumıniya) görüşü Bakı vaxtı ilə saat 19:30-da, “Rabotniçki” (Skopye, Şimali Makedoniya) ilə qarşılaşması isə 22:30-da start götürəcək.

Qrup mərhələsinin oyunları 2-5 oktyabrda Skopyedəki Boris Traykovski adına İdman Mərkəzində keçiriləcək. Qrupun qalibi turnirin müntəzəm çempionatına vəsiqə qazanacaq.

FIBA Avropa Kuboku
A qrupu

2 oktyabr
19:30 “Donar” (Qroningen, Niderland) - “Sabah”
Skopye. Boris Traykovski adına İdman Mərkəzi

3 oktyabr
22:30 “Sabah” - “Rabotniçki” (Skopye, Şimali Makedoniya)
Skopye. Boris Traykovski adına İdman Mərkəzi

5 oktyabr
19:30 “Rapid” (Buxarest, Rumıniya) – “Sabah”
Skopye. Boris Traykovski adına İdman Mərkəzi