Azərbaycan millisinin cüdoçusu Hidayət Heydərov Budapeştdə keçiriləcək Böyük Dəbilqə turnirində iştirak edə bilməyəcək.

Prosport.Az-ın Azərbaycan Cüdo Federasiyasından əldə etdiyi məlumata görə, 81 kq çəki dərəcəsində çıxış edən idmançı məşq zamanı ayağından yüngül zədə alıb.

Bu səbəbdən Heydərov Macarıstan paytaxtında keçiriləcək və Los-Anceles-2028 Yay Olimpiya Oyunlarına lisenziya xalları qazandıran yarışda mübarizə aparmayacaq.

Qeyd edək ki, cüdoçumuzun 1/32 finalda ilk rəqibi Macarıstan təmsilçisi Benedek Tot olmalı idi.