Macarıstanın paytaxtı Budapeştdə cüdo üzrə “Böyük Dəbilqə” turnirinə start verilib.

Prosport.Az xəbər verir ki, yarışın ilk günündə Azərbaycanın 5 cüdoçusu tatamiyə çıxıb.

Qadınlar arasında Könül Əliyeva, kişilərdən isə Babarəhim Mirzəyev, Murad Muradlı (hər ikisi 60 kq), Rəşad Yelkiyev və Nizami İmranov  (hər ikisi 66 kq çəki) qüvvəsini sınayıb. Lakin onlardan heç biri medal qazana bilməyib.

Qeyd edək ki, “Böyük Dəbilqə” turniri sentyabrın 13-də yekun vurulacaq.