İyun ayında Bakıda təşkil olunmuş çövkən üzrə dünya çempionatında qızıl medal qazanmış Azərbaycan idmançıları “Azərbaycan Respublikasının İdman ustası” dərəcəsinə layiq görülüb.

Prosport.Az xəbər verir ki, gənclər və idman naziri Fərid Qayıbovun beynəlxalq yarışlarda uğur qazanmış idmançılarla görüşündə Elçin Camallı, Tərlan Qurbanəliyev, Vahid Məmmədov, Şəfayət Budaqov, Şahmar Nağızadə, Amil Namazov, Rəşad Həsənov və Səxavət İsmayılova fəxri adın döş nişanları və müvafiq vəsiqələri təqdim edilib. 

Əlavə edək ki, çövkən üzrə Azərbaycan yığma komandası 7-13 iyun aralığında keçirilmiş dünya çempionatında keçirdiyi 4 oyundan 3-də qalib gəlib birini heç-heçə başa vuraraq fəxri kürsünün ən yüksək pilləsinə qalxıb.