20:44

Stolüstü tennisçi Mehin Mirzəbalayeva Fransanın Strasburq şəhərində keçirilən “Euro Mini Champs” yarışında qızıl medal qazanıb.

Prosport.Az xəbər verir ki, 2014-cü il təvəllüdlü idmançıların mübarizə apardığı turnirdə Mehin ilk üç mərhələni lider kimi başa vurub. O, 1/8 finalda moldovalı, 1/4 finalda isə fransalı rəqibinə qalib gələrək yarımfinala yüksəlib.

Yarımfinalda İsveçrə təmsilçisi ilə qarşılaşan Mehin Mirzəbalayeva rəqibini 3:0 hesabı ilə məğlub edərək finala vəsiqə qazanıb.

Həlledici görüşdə turnirin ötənilki qalibi, latviyalı Kaja Tvorogalla üz-üzə gələn tennisçimiz bu dəfə də inamlı çıxış edib. Mehin rəqibinə 3:1 hesabı ilə qalib gələrək “Euro Mini Champs”ın baş mükafatına sahib olub.

Qeyd edək ki, bu, Azərbaycan stolüstü tennisçilərinin sözügedən yarışda qazandığı ilk qızıl medaldır. Daha əvvəl Onur Quluzadə “Euro Mini Champs”da bürünc medal qazanıb.

15:32

Azərbaycanın stolüstü tennisçisi Mehin Mirzəbalayeva Fransanın Strasburq şəhərində keçirilən “Euro Mini Champs” turnirində uğurlu çıxışını davam etdirir.

Prosport.Az xəbər verir ki, 2014-cü il təvəllüdlü idmançı yarışın ilk üç mərhələsini lider başa vurub. Mehin 1/8 finalda moldovalı, 1/4 finalda isə fransalı rəqibini məğlub edərək yarımfinala yüksəlib.

Yarımfinalda İsveçrə təmsilçisi ilə qarşılaşan stolüstü tennisçimiz 3:0 hesablı qələbə qazanaraq “mini Avropa çempionatı” adlandırılan nüfuzlu turnirin finalına vəsiqə əldə edib.

Mehin Mirzəbalayeva həlledici görüşdə Latviya təmsilçisi ilə qarşılaşacaq.