UEFA Konfrans Liqasının pley-off mərhələsində “Qarabağ” 1:4 hesabı ilə məğlub olaraq turnirlə vidalaşıb.

Prosport.Az xəbər verir ki, matçdan sonra Ağdam klubunun prezidenti Tahir Gözəl jurnalistlərə açıqlama verib.

"Qarabağ" əlindən gələni etdi. Alınmadı. Futboldur bu. Səhvlərimizdən dərs alacağıq. Qazanılan transferlərimiz var. Bu transferlərin gələcəkdə çox böyük meyvə verəcəyinə şübhə etmirəm. “Qarabağ” doğru yoldadır.

Çox az şansla uduzduq. İki dəqiqəyə uduzduq. Qismət tərəfi də var idi. Qismət olsaydı, bu, tam başqa nəticə olacaqdı. Amma möhtəşəm heyətimiz var. Bu komanda özünə gələcək. Çıxdığımız yolda davam edəcəyik.

Gələn rəqib komanda da möhtəşəm komandadır. Amma hesab edirəm ki, uyğunlaşmaya vaxt lazımdır. Artıq qarşımızda bir mövsüm var. Məncə, həmin mövsümdə bu fürsətlərin hamısı yaranacaq.

Bugünkü “Qarabağ”ın yeni oyunçuları — Reda, İsmayıl və digərləri — hamısı möhtəşəm futbolçulardır. Bugünkü “Qarabağ” tarixində bu qədər geniş heyət olmayıb. Bunu bilək. Amma təəssüf ki, hamısı yenidir və hazırlaşmağa vaxtımız çatmadı. Orada bir əksiklik oldu.

Bəlkə də Avropa Liqasında qalmaq üçün imkan az idi. Amma içimdə müsbət bir hiss var. İnsan həyatında atdığı addımların hansısa biri... Qarşımızda hədəf var. Möhtəşəm bir eşqlə bu yola davam edəcəyik. Sağ olun, təşəkkür edirəm".