"Neftçi"nin 3x3 basketbolu üzrə komandası 4-cü dəfə FIBA Qadın Seriyasının qalibi olub.

Prosport.Az xəbər verir ki, Macarıstanın Debretsen şəhərində təşkil olunan mərhələ yarışında final oyunu baş tutub.

"Neftçi" final oyununda bu ay Bakı mərhələsinin qalibi olmuş Almaniyanın "Düsseldorf ZOOS" klubu ilə qarşılaşıb. Oyuna üstün başlayan "Neftçi" yekunda rəqibi üzərində 21:10 hesabı ilə qələbə qazanaraq, heç bir görüşdə məğlub olmadan Debretsen mərhələsinin qalibi olub. Debretsen mərhələsinin ən dəyərli oyunçusu (MVP) "Neftçi" klubunun üzvü Briana Freyzer seçilib. Bu çempionluq ilə "Neftçi" 4-cü dəfə mərhələ qalibi olub.