Azərbaycan ağırlıqqaldıranı İsa Hüseynov Kosovonun paytaxtı Priştinada keçirilən U-15 və yeniyetmələrin Avropa birinciliyində 3 bürünc medal qazanıb.

Prosport.Az xəbər verir ki, birdənqaldırma hərəkətində 93 kq çəkini başı üzərinə qaldıran İsa yarışın bürünc mükafatını əldə edib.

60 kq çəki dərəcəsində yarışan Hüseynov təkanlaqaldırmada 116 kq ağırlığın öhdəsindən gələrək yenə ən güclü "üçlüy"ü tamamlayıb.

Beləliklə, 2 hərəkətin cəmində 209 kq nəticə göstərən İsa Hüseynov toplamda da Avropa birinciliyinin bürünc medalına sahib olub.